 |
||
| Стасій Горинецькый | ||
|---|---|---|
| Габа заселеня | Четверта | |
| Пудпис | SaisPlay | |
Стасій Горинецькый — поселенець Четвертої габы. Челядник из величезныма амбіціями, тай не меншыма навыками у майстрованьови. При тому житель, што мав майбулше проблем из законом Коцок.
Історія
Стасій Горинецькый прибыв у сесь світ из четвертов габов міґрації челяди, тай нараз проявив свої претензії на престол Коцок. На тот момент монархію на Коцках уже удмінили и Стасій не найшов много пуддержкы помежи містнов чилядьов.
Стасій зачав закладовати замок (каштель) діла свого проживаня, де плановав центровати будучну свою імперію. Но, через брак ресурув тай недостаток робочої силы постройка застигла на етапови фудамента тай первого штока.
Через тяготы живота тай брак пуддержкы, уєдно из провалом на выборах бірова, Стасій Горинецькый пустив ся до криміналу — сяк ся знає, ож украв 7 маякув, на чому го ймили поліцішты. Стасій быв угнаный из Коцок на необмеженый час.
Пак быв помилованый радов ґаздув 8. сектембра 70. года тай закликаный зась жити на Коцках пуд клятву, ож красти булше не буде.
З того часу, сяк ся знає, Стасій жиє на Поголяници, де пробує ґешефтовати тай зачинати політічну актівіту.
Крімінална історія
Из самого зачатку Стасійового проживаня у Коцках чуло ся, ож вун не є повностю безпечный чоловік, видїли го по ночи ходити по людськым кучом. Пару раз го имали на краданьови шелиякої друблї, двычі го клали у тюрьму на пару тыжднюв, пак выпускали пуд обіцяня не красти.
Поліцішты не удкрыли гет гет усі детайлы, но сяк ся знає, ож Стасій мав інтензії ид маякам щи задовго до факта краданя, щи у децемброви 40. года, гикой видко на прикапчаному образчикови.
Ужек через два рокы, а ипен у сектемброви 42. рока, поліція ненароком найшла у Стасія на ґаздувствови аж 8 маякув, но лиш єден из папірьом.
У час судового процеса удбыв ся мало не комічный діалоґ:
— Стасію, провірили сьме серійні номеры маякув на вашому ґаздувствови, 7 из них не ваші, 4 были у властности DeadlessMove. - просекутор
— Айбо єден муй! Я го купив! - выгваньовав ся Стасій.
По сьому, уважувучи и на минулу кріміналну актівіту, рада ґаздовув укіряла Стасія Горинецького из Коцок 11. сектембра 42. рока.
Інтересноє
Уд лакомного монарського живота Стасій забыв як ся садит темный дуб. Сякый трафунок быв задокументованый Мигальом Боржавськым у час екскурсії Коцками, кой Стасій Горинецькый пробовав посадити на місто дуба, котрого за годы сперед тым стяв быв на тому такой містови.[1]