Соломон Мештерчук (1768 – 1822) быв книжником у Загруни.
Переселеня у Загрунь
Соломон Мештерчук прийшов у Загрунь у час єї перезаселеня Мигальом Боржавськым. На новому місті ся узяв за діло, у котрому быв майліпшым — переписовав старі рітуалні книгы.
Книгы
Соломон мав удносный успіх у свому ділі вдяку продажови книг, котрі, за словами Мигаля Боржавського обсяговали забаяня, трібні чинити з обычної зброї серенчливі талісманы.
Смерть
Причина смерти Соломона Мештерчука, рувно як и місто перебываня його останкув, дотеперь ся лишают загадков. У єден день Соломон просто пропав, тай удтовды го нико не видів. Офіціалноє розслідованя ся сперло на такуй верзії, ож Соломона забили утопленикы з каналув кругом Загруни — його хыжа якраз была попри воды. У Соломонув груб на загрунському теметові поклали подакотрі його робочі серсамы тай книжкы.