Обсяг
Сим документом сяточно ся обявлят закладеня Ґілдії Ґаздув тай Авантуріштув (дале — Ґілдія) — першого ґлобалного професійного дружества у Новому Світови.
Туй ся укладуют основні функції тай принципы Ґілдії, на котрых ся у будучности сформуют права тай повинності членув Ґілдії, єї Статут тай другі орґанізаційні документы.
Основныма цілями Ґілдії сут:
- Удобный асинхронный обмін ресурсами межи членами Ґілдії;
- Помуч ґаздам-новачкам тай авантуріштам-новачкам;
- Прокладеня тай обслужованя желізничної комунікації;
- Робота над путьовником Новым Світом.
Про здобытя сих ціли будут сотворені такі орґаны тай установы, пудзвітні Ґілдії:
- Пункты обміна ресурсув — Банкы Ґілдії; як членські, де услугы ся надают лиш членам Ґілдії, так и удкрыті про всьых.
- Головна желізнична іншпекція — головный орґан у ділах прокладованя, обслужованя тай провіркы пудпорядкованої Ґілдії сіткы желізного пути, а щи приятя рекомендацій на прокладованя тай обслужованя реґіоналных удрізкув того желізного пути.
- Редакція „Коцкопедії“ — орґан, зодповідный за написаня тай редаґованя стати про „Коцкопедію“ — енциклопедію-путьовник Новым Світом.
До приятя зачатковых верзій Статута тай другых орґанізаційных документув:
- исповняючым повинності головы Ґілдії є Петро Бетярь;
- исповняючым повинності головы Головної желізничної іншпекції Мигаль Вышнянин-Боржавськый;
- исповняючыма повинності редакторув „Коцкопедії“ сут Петро Бетярь тай Мигаль Вышнянин-Боржавськый.
24. януара 113
Петро Бетярь