Стасіюв Каштель — фортифікаційна будова, котру зачав будовати самопроголошеный монарх Коцкы Стасій Горинецькый, лежит на юг выд Матьового Ґаздувства. Моментално стойит недокладена, процес будовы спер ся спозад недостачі ресурсув тай робочої силы. По угнатьови Стасія из Коцок у рокови 42. замок лишив ся у руїнах тай без ґазды. Коордінаты
130, -130
Історія
Набизувно не знає ся, ож коли ся зачав класти замок. У поєдных жерелах мож найти записы, ож будова ся зачала такой нараз из приходом Стасія Горинецького у світ — пиля 27. года. Актівна фаза будованя трывала 15 годув (из урахованьом земляного насыпа пуд фудаментом), руно до момента судового процеса тай угнатя Стасія из світа Коцок. За тот час устигли ся покласти лиш земляна платформа, фудамент, первый шток без плафона. Зачинавучи из рока 42. Стасіюв Каштель рахує ся зарватов будовов, яку не слобудно кывати. Пуд каштельом фурт блудят шелиякі фрасы.
Пусля помилованя тай вертаня у світ Коцок, у сектемброви 70. рока, Стасій Горинецькый не вернув ся жити у замок, а дорадив ся стати граданином Поголяниці. Но сяк ся знає, ож подаякі ресурсы из замка были забраті його минулым ґаздом (респ. черленый покровиць извон тай поєдны дерева).
У майови 90. года Шандор Кандзюба зачав ся токмити из Стасійом Горинецькым за право властности на дараб земли тай руїну замка, обы го выкупити, демонтовати, тай покласти на його містови дашто другоє. Детайлы тої токмы тай єї резултат раз не сут знамі.
Інтересноє
Пиля Стасійового Каштеля годна была быти штація. У фебруарови 28. рока, кой Мигаль Боржавськый докладовав централну каріку штрекы, плановало ся мати штацію и пиля замка, но Стасій Горинецькый удказав ся класти штреку, на чому ся они з Мигальом и повадили. В резултатови Мигаль демонтовав дараб штрекы до Стасійового Каштеля тай провув полотно у обход замка, а ипен через Матьово Ґаздувство тай дале тонелом через гору из Долушньым Квадратом.