 |
||
| Павел Середяник | ||
|---|---|---|
| Професія | картоґрафішта | |
| Габа заселеня | Друга | |
Па́вел Середя́ник (? – 8. септембра 189) быв картоґрафіштом у Верьхньых Ланґошох. Послідньый, ко застав розрабованя села незнамыми варварами до його удроджіня Анастазійов Ланґоші.
Творьба
Павел Середяник быв автором многочисленых мап, мав успішный картоґрафічный бізніс у Ланґошах до їх изпустошіня. Практично всі мапы были спалені варварами, котрі нарушили мирный жывут ланґошувськых селянув.
Бігом удновліня села ґрофська родина дала картоґрафічному ділови Середяника новый зачаток, у тум числі вдяку оптовым токмам за папірь.
Павел быв близкым цімбором ланґошувського ґрофа.
Пропажа тай смерть
8. септембра 189. рока ґрофськый дом Ланґоші дав уголошіня, ож Павел Середяник пушов из домув тай не вернув ся, подля вповісткы сына Ивана. Хоть глядалні роботы йшли довго, Павла не найшли тай офіціално признали віроятно мертвым.
Дідузнина
По собі Павел лишив читавоє число усякых мап, папірюв, документації за історію села (хоть булшина єї уже фіксує період по удновліню, бо за многоє з того, што было сперед тым, нагадовати ся Павлови было тяжко позад травматичности тых споминкув).
Хыжа, де жыв Павел Середяник, означена ги меморіална.
15. септембра 190. року у Верьхньых Ланґошах пруйшло прощаня из Павлом Середяником, орґанізованоє ґрофськым домом.
Личный жывут
Першу файту Павла забрали уд нього при нальотови на село. По тому ун ся побрав из Маріков Бубнашков. Сын Иван Середяник, ипный ланґошувськый чередарь, картоґрафічноє діло утця не продовжив, айбо дуже за няня файно ся удзыват тай сокотит тото, што ун лишив.
Файта Середяникув сут далекыма родичами загрунськых Мештерчукув.
Ґалерія
-
Посмертный портрет Павла
