Червеницькі обзерваторії — чотыри обзерваторії. Из них три сут публично доступні; каждый має право зайти тай пороззирати ся на парадный світ круг нього. Обзерваторія №3 бігом часу была переформатована на личный замок тай удтовды не є удкрыта про шырокі масы.
Історія
Ушыткі чотыри обзерваторії поклав Мигаль Вышнянин-Боржавськый. Сама ідея зачати класти обзерваторії была понукана Червеницьков, котра зачала класти перву обзерваторію, тайу чию честь сут названі ушыткі обзерваторії, покладені на днешньый динь у світови.
Обзерваторії
Перва Червеницька Обзерваторія находит ся помежи Бережниковым ґаздувством тай Зеленым Районом. Точна дата закладаня не уведена, люди кажут, ож клала ся у авґустови 6. года. Коордінаты: 24, 193.
Друга Червеницька Обзерваторія клала ся ужек Мигальом Боржавськым май дале уд центра у марцьови рока 9., коордінаты: -225, 660. До сьої обзерваторії прикапчана штація желізниці Южного Путя.
Третя Червеницька Обзерваторія — покладена Мигальом Боржавськым у рокови 12., переформатована у його личный замок, за чим быв запертый публичный доступ удну, но при тому поволено забивати фрасув у реселові попри замок.
Четверта Червеницька Обзерваторія — покладена Мигальом Боржавськым у новемброви 18. рока за Загруньов, рахує ся майвысоков, тай майпараднов из ныні фунґувучых публичных обзерваторій. Находит ся за коордінатами -430, 240. Майлегко добирати ся штреков до штації Загрунь, а пак пішаком попри хыжу Ковача Микулы.