Куртацька Подина

Куртацька Подина
Тіп		селище
Коордінаты		-1230, 600
Природна зона		островы
Закладеноє		21. мая 48. года
Закладателі		Мигаль Мынька тай Иван Білаччин

Куртацька Подина — острувноє селище на западови. Єдно из майвеликых днешньых поселень, из удносно скорыми темпами застройкы.

Історія

Закладнов датов про Куртацьку Подину є 21. мая 48. года. Закладателями сут Мигаль Мынька тай Иван Білаччин — їм є вінованый монумент у южнуй части главного острова на єдноименнуй площи.

Інфраштруктура

Моментално у Куртацькуй Подині сут, айбо не до кунця функціонуют:

• жандармерія;
• сілська рада;
• корчма;
• болниця;
• замок;
• поща;
• пивоварня;
• школа;
• водяный млин;
• три церьквы.

У восточнуй части главного острова є масивна плавилня.

Топонімы

• Полянськый — приділ Куртацькой Подины из польом тай мащальнями (фермы и поле).
• Млинувкы — приділ Куртацькой Подины из водяным млином.
• Дулятин — приділ Куртацькой Подины из хащами и ділянками Куртацького лісхоза. Центр деревного промысла.
• Янув Верьх — урочище, гурськый верьх, де ся находят памнятні таблы вучарям, колиба тай загорода из вуцями.
• Монастырськоє — урочище, на місті котрого стройит ся монастырь тай вчинена пасіка. Туй ся находит гідрологічна памнятка природы - жерело Сятої Анны.
• Замкова гора — гора, де мурує ся Куртацькый замок.

Гідронімы

• Білаччин звур — зворина за Млинувками.
• Мынькув потук — находит ся пиля села. На ньому покладена гамора тай валиво.

Леґіслатура

На днешньый день фактичну власть держит Иван Білаччин, котрый ся занимат написаньом законодательства Куртацької Подины.

Єден дараб земли пиля пощі быв дарованый Мигальови Боржавському на безстроковоє хоснованя пуд хыжу. Сяк ся знає, ож в будучности в центрови варошної части острова будут квартілі, што ся будут здавати у оренду, авадь доступні на продаж.

Ґалерія

• 

  Куртацька Подина уночи

• 

  Монумент Иванови Білаччиному на площи Закладателюв, Куртацька Подина

• 

  Монумент Мигальови Мыньці на площи Закладателюв, Куртацька Подина