Видїти жрідло сторінкы Черленяк-89

Черленяк-89 — дуже заразна хворота, котра ся появила у світови Коцок орієнтовно у рокови 189, удкі и дустала -89 у конци назывкы, и не є повностю поборена аж до днесь. Знамі два штамы: простый и «тітанка».  Сеся хворота читаво показила ґаздувства авантуріштом світа Коцок и навхтема лишила свуй слід на йих здоровльови и приступови до ґаздованя. Моментално хворота вже не має статус пандемії, читаво ослабла, но не є повностю выкорінена зо світа Коцок.

== Симптомы ==
Перші ознакы, ож челядник ймив «черленяк» будут слідні скорше на ґаздувстві, як на самому орґанізмови. По обшарьови зачинают наростати великі черлені грибы, котрі застеляют собов городці и усложняют ґаздованя. Другым ознаком є страшна сверблячка, спозад котрої у авантурішту черленіє кожа.
[[Файл:Черленяк за хыжов.jpg|міні|Перша фотька черленяка недалеко уд [[Обзерваторії|третьої обзерваторії]]. ]]

== Хронолоґія подій ==

=== Гуд 189. ===
Согласно публично доступнуй інформації, першым за Черленяк-89 писав авантурішта [[Мигаль Вышнянин-Боржавськый]] у '''юлійови 189. рока''' у свому личному телеґрам каналови<ref>Перша споминка за Черленяк-89 у каналови "Мигаль Бавит" https://t.me/myhalbavyt/1020</ref>.

Того такой рока стало слідно як хворота ся пошырила територійов довкола зеленого района, дораз доґде ґазды казали, ож найшли на обшарю чудні черлені грибы. А [[Петро Бетярь]] сповістив ож черленяком убрус памнятный хрест<ref>Канал "Крумплі горячі из Пийтером-бачійом" споминат за пандемію Черленяка-89 https://t.me/krumplitv/698</ref> навпроти гуртожитка.

Вжек за пару тыжднюв Мигаль Вышнянин-Боржавськый має першу споминку за другый шор симптому хвороты — страшну сверблячку и зміну барвы тіла<ref>Канал "Мигаль Бавит" сповіщає за зміну барвы тіла https://t.me/myhalbavyt/1024</ref>.
[[Файл:Інфікованый Мигаль.jpg|міні|Мигаль Вышнянин-Боржавськый из симптомами віруса на кожі тіла.]]

Бігом рока 189. многі ґазды и авантурішты Коцок публично выголосили закрытя границь помежи ґаздувствами, обы попробовати спомалити пошыреня хвороты: домак ся заперли Варундацькый и Куртацькый край. Не позираючи на тото, за пару тыжднюв хвороту вже запримітили у [[Поголяниця|Поголяници]], такой на сівер за водов уд Куртацького Краю.

[[Иван Білаччин]] выголосив, ож Куртацька Подина має експертув, котрі будут знати розробити вакцину, хоть надале тота вакцина не была презентована.

У сектемброви новинка "Хроніка" мала статю "НОВА ЗАРАЗА" на головнуй сторунци<ref>Выпуск новинкы "Хроніка" за сектембер рока 189 https://t.me/kockycc/29</ref>, де ся розказовало за знамі факты за хвороту т рады не ходити до сосіду.

Тот гуд став тяжков вызвов діла ґаздув и авантуріштув, бо хворота стала причинов великої свады, у котрув ґаздове пробовали обвиноватити єдно другого у тому, тко быв першопричинов бетеґу.

У октовбрі Мигаль Вышнянин-Боржавськый найшов неспознату звірьку на ґаздувстві Бережника, и попробовав высунути гіпотезу<ref>Публикація каналу "Мигаль Бавит" из гіпотезов за зязок неспознатої звірькы и вірусу https://t.me/myhalbavyt/1029</ref>, ож тоты дві появы годни быти изкапчані. Тота гіпотеза не найшла пудтверджіня.

=== Гуд 190. ===
У яри рока 190. вірус дубрав ся и у [[Куртацька Подина|Куртацькый Край]] — перші выпуклі грибы стало видко на берегови нараз через воду уд Поголяниці. Позираючи на тото, ож границі были закрыті, люди зачали мирьковати, ож ци не передає ся вірус воздухом без участи авантуришту.

У юлійови місяцьови вірус найшли и на Іподромі, што є читаво далеко выд першых міст інфікованя<ref>Публикація на "Мигаль Бавит" за Черленяк-89 на Іподромі https://t.me/myhalbavyt/1032</ref>.

Спозад новины за інфікованя Іподрома власти поселеня [[Вассерово|Вассерова]] прияли радикалні міры, не просто заказали вступ челяди з вон, но такой выбухом зарвали піші и штрекові сполучіня.<ref>Публикація хронікы Коцок за перекрытя пути у Вассерово https://t.me/kockycc/30</ref>

Того такой місяця ґаздове Варундатського Краю тоже сповістили за першу інфекцію черленяком.

[[Артемій Хіріноськый]] розробив концепцію защитного костюма, у котрому поєдні ґаздове бігают аж до днесь. Ефективность костюма против заразы не была раз доказана.[[Файл:Артемій у костюмови.jpg|міні|Артемій Хіріноськый у защитному костюмови.]]

У сектемброви того такой рока Артемій найшов новый штам вірусу, пойменованый «тітанка» спозад свойих нереално великых розміру, поруняно з простым штамом черленяку. Бігом кунця 190. рока тітанка ся пошырила територійов довкола спавна, по ґаздувствам близко живучых авантурішту. 

=== Гуд 192. ===
У яри рока 192 ґаздове Куртацького краю дуклали госпіталь, де мали лежати бетежні черленяком. Проста челядь войотила, ож тото забрало помного часу, и госпіталь утратив актуалность щи до того як го поклали.<ref>Публикація каналу "Строиме з Иваном" за болницю https://t.me/Vanya_Stroit/679</ref> 

У апрільови того року ґазда Вассерова, [[Вальтер Вощик]], удзвітовав за успішну постройку великого мура (Грумфаторьскый вал) протяжностьов 1250 коцок, котрый бы мав усокотити Вассерово уд потенційных туристу-перенощику віруса.   
[[Файл:Черленяк-89 штам Тітанка.jpg|міні|Фотька гриба штаму «тітанка» помежи спавном и ґаздувством Бережника.]]
У новемброви того року Мигаль Вышнянин-Боржавськый розказав за наявну інформацію за вірус и новый штам «тітанка» у Вісникови Коцок. <ref>Відео з каналу "Мигаль Бавит" https://www.youtube.com/watch?v=OyBoz322nOg</ref>

=== Гуд 193. ===
Мигаль Вышнянин-Боржавськый поділив ся з людьми свойим рецептом борьбы з вірусом, гикой писав Мигаль у свому каналови<ref>Канал "Мигаль Бавит" пише за потенційну помуч хвороті https://t.me/myhalbavyt/1045</ref>, помогли му щедрі пожертвый пуд дуб мудрости за [[Церьков сятого Михаїла|церьковльов сятого Михаїла]]. По шорови пожертв дуб яв мироточити и насычовати авантурішту довкола здоровльом тай силов. Як пише сам Мигаль, хвороту черленяка ото не забиват, но дає доста лиш обы жити прекы нюв.

=== Гуд 225. ===
Коли старі ґаздове за хвороту вже почти забыли, з нив ся нечекано стріли новоприбылі авантурішты. У маяви того року Любомир, котрый лиш зачав си класти хыжу, на єдно рано застав як му острув порус гет цілком грибами. Штам тітанкы не быв заприміченый. В тот час Любомир першым за всю історію хвороты высунув гіпотезу скапчаня віруса черленяка з грибными коровами, котрых си ун привіз из далекого грибного краю.

== Лік ==
Моментално світ Коцок не має доказаного ліку уд хвороты. Куртацька Подина заявляла за зачаток розробкы скіпкы, но не маєме публично доступної інформації ци проводила ся даґде вакцинація и ци были у ниї выслідкы. Мигаль Вышнянин-Боржавськый предложив алтернатівный метод усиленя імунітета через пожертвы великым деревам. Метод не забиват вірус, но поволят вам легко жити и не творити ся на болячку.